Qazaqstan Respýblıkasy Investısııalar jáne damý mınıstrliginiń buıryǵy  №185

2015 jylǵy 24 aqpan, Astana qalasy Kemelerdi, saldardy jáne ózge de júzý obektilerin aılaqqa qoıý, toqtatý jáne olardyń turaqta turýy úshin ýaqytsha qurylǵylar men júzý qurylystaryn ornatý, jolaýshylardy kemege otyrǵyzý jáne kemeden túsirý, júkterdi tıeý, túsirý jáne saqtaý qaǵıdalaryn bekitý týraly «Ishki sý kóligi týraly» Qazaqstan Respýblıkasynyń 2004 jylǵy 6 shildedegi Zańynyń 9-baby 1-tarmaǵynyń 26-17) tarmaqshasyna sáıkes buıyramyn: 1. Qosa berilip otyrǵan Kemelerdi, saldardy jáne ózge de júzý obektilerin aılaqqa qoıý, toqtatý jáne olardyń turaqta turýy úshin ýaqytsha qurylǵylar men júzý qurylystaryn ornatý, jolaýshylardy kemege otyrǵyzý jáne kemeden túsirý, júkterdi tıeý, túsirý jáne saqtaý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev): 1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin, onyń kóshirmesin kúntizbelik on kún ishinde merzimdi baspa basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy «Ádilet» respýblıkalyq memlekettik kásipornynyń aqparattyq-quqyqtyq júıesine resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaýdy ózime qaldyramyn. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Investısııalar jáne damý mınıstriniń mindetin atqarýshy J.QASYMBEK. Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 24 aqpandaǵy №185 bekitilgen Kemelerdi, saldardy jáne ózge de júzý obektilerin aılaqqa qoıý, toqtatý jáne olardyń turaqta turýy úshin ýaqytsha qurylǵylar men júzý qurylystaryn ornatý, jolaýshylardy kemege otyrǵyzý jáne kemeden túsirý, júkterdi tıeý, túsirý jáne saqtaý qaǵıdalary 1. Jalpy erejeler 1. Kemelerdi, saldardy jáne ózge de júzý obektilerin aılaqqa qoıý, toqtatý jáne olardyń turaqta turýy úshin ýaqytsha qurylǵylar men júzý qurylystaryn ornatý, jolaýshylardy kemege otyrǵyzý jáne kemeden túsirý, júkterdi tıeý, túsirý jáne saqtaý qaǵıdalary (budan ári – Qaǵıdalar) «Ishki sý kóligi týraly» 2004 jylǵy 6 shildedegi Qazaqstan Respýblıkasy Zańynyń 9-baby 1-tarmaǵynyń 26-17) tarmaqshasyna sáıkes ázirlengen, ony paıdalanýdyń tártibi men sharttaryn aıqyndaıdy. 2. Qaǵıdalar Kemelerdi, saldardy jáne ózge de júzý obektilerin aılaqqa qoıý, toqtatý jáne olardyń turaqta turýy úshin ýaqytsha qurylǵylar men júzý qurylystaryn ornatý, jolaýshylardy kemege otyrǵyzý jáne kemeden túsirý, júkterdi tıeý, túsirý jáne saqtaý tártibin aıqyndaıdy. 3. Qaǵıdalar Qazaqstan Respýblıkasynyń ishki sý joldarynda qyzmetin júzege asyratyn jeke jáne zańdy tulǵalarǵa qoldanylady. 4. Qaǵıdalarda mynadaı negizgi uǵymdar paıdalanylady: 1) arqandap baılaý – kemeniń aılaqqa, pırske nemese basqa kemelerge jaqyndap kelýi jáne bekitilýi boıynsha is-qımyldar; 2) ýaqytsha qurylǵylar jáne júzbeli qurylystar (budan ári – qurylystar) – kemelerdiń qaýipsiz toqtap turýyna, júkti óńdeýge jáne qyzmet kórsetýge arnalǵan, porttyń nemese aılaqtyń quramyndaǵy ýaqytsha ınjenerlik gıdrotehnıkalyq qurylys (debarkaderler, aılaqtyq pontondar, júzbeli: qonaq úı, jataqhana, demalys úıi, meıramhana, sheberhanalar). 2. Kemelerdi, saldardy jáne ózge de júzý obektilerin aılaqqa qoıý, toqtatý jáne olardyń turaqta turýy úshin ýaqytsha qurylǵylar men júzý qurylystaryn ornatý, jolaýshylardy kemege otyrǵyzý jáne kemeden túsirý, júkterdi tıeý, túsirý jáne saqtaý tártibi 5. Qurylystar tasymaldardyń tranzıttik, aralyq jáne sońǵy pýnktterinde ornatylady. 6. Qurylystar jaǵalaýǵa kemelerge, saldarǵa jáne ózge de júzý obektilerine, sondaı-aq jolaýshylarǵa, júkter, bagajdy men bagajdy túsirip, tıeýdi kezinde qamtamasyz etetindeı túrde qaýipsiz qyzmet kórsetýdi arqandap baılanady. 7. Jolaýshylarǵa qyzmet kórsetý úshin qurylystar: 1) qutqarý, sıgnal berý jáne órtke qarsy quraldarmen; 2) tirkep súıreý knehtalarymen, kemeniń aldyńǵy jáne artqy jaǵy úshin arqandap baılaý quraldarymen jáne jaǵalaý jaqtan tirek quraldarymen; 3) eni kemeden qurylysqa keminde 1 metr jáne qurylystan jaǵalaýǵa keminde 2 metr ortasha shybyǵy bar, bıiktigi 110 santımetr tutqalarmen qorshalǵan berik jáne qaýipsiz basqyshtarmen; 4) múgedekter arbashasyndaǵy múgedekterdi, sonyń ishinde túsirýge arnalǵan quraldarmen; 5) qurylys korpýsynda teplohodtyń otyrǵyzý alańy deńgeıinde ornatylǵan otyrǵyzý alańy, teplohodtyń negizgi palýbasy deńgeıinde otyrǵyzý estakadasymen. Kez kelgen jaǵdaıda traptyń kókjıekke kólbeý buryshy 30 gradýstan aspaıdy; 6) jerge tuıyqtaǵysh qurylǵymen jabdyqtalady. 8. Jolaýshy úı-jaılary bar debarkaderleri bolmaǵan eldi mekenderde pavılondar, al qala mańyndaǵy jeliler men ótkelderde oryndyqtary bar shatyrly qalqalar salynady. Bul rette osyndaı pavılondardyń ıeleri jolaýshylardyń qaýipsizdigi maqsatynda jolaýshylardy otyrǵyzý jáne túsirý oryndaryn qajetti qurylǵylarmen jabdyqtaıdy. 9. Qurylystarǵa kireberis joldar jıektemesi, qarsy keletin avtokóliktiń júrip ótýi úshin júrý bóliginiń jetkilikti eni bar qatty jabynmen, avtokólik turýǵa arnalǵan orynmen, perımetri boıynsha jaryqtandyrýmen, qoqysty jınaý ornymen, al jolaýshylar porttarynda (jolaýshy aınalymy kúnine 300-den astam adam) qosymsha – sý qubyrymen jáne kárizben jabdyqtalady. 10. Aılaqtyq jaqtaý pontondary jolaýshylardy otyrǵyzý jáne túsirý kezinde kemelerdi qaýipsiz arqandap baılaý úshin tereń jerlerinde ornatylady. 11. Júk-jolaýshy qurylystary qaıta tıeý jumystary úshin qurylǵylarmen, júk pen bagajdy ýaqytsha saqtaý úshin qoıma alańdarymen, júkter úshin jabyq úı-jaılarmen jabdyqtalady. 12. Tıeý-túsirý jumystary pýnktterinde jaǵalaý men keme arasynda júzbeli pontondar qoldanylady. Bul jaǵdaıda tıeý mehanızmi jaǵalaýda nemese tikeleı kemede ornalastyrylady. 13. Munaı quıý júkterin tıeý-túsirý jumystary úshin sorǵylar ornatylǵan qurylystar turǵyn úı men óndiristik ǵımarattardan, tıeýdiń jalpy oryndarynan jáne kemelerdiń turaǵynan keminde 250 metr qashyqtyqta eldi mekenderden tómen ornalasady. Buıryq Qazaqstan Respýblıkasynyń Ádilet mınıstrliginde 2015 jylǵy 9 sáýirde Normatıvtik quqyqtyq kesimderdi memlekettik tirkeýdiń tizilimine №10656 bolyp engizildi.